प्रदेश नं पांचलाइ टुक्राएको बिषयमा आन्दोलन चर्कियो, पांच नं प्रदेशका जिल्लाहरुमा आन्दोलन स्वरुप बन्द हर्तालमा ! (हेर्नुहोस भिडियो)

Khabar Bhitra Ko Khabar: Protest
Thousands of locals and cadres of both the ruling and opposition parties took to the street in Butwal opposing the government proposal to split Province-5 by separating hill districts from the southern


plains in course of revising the federal boundaries. Leaders from both the ruling and opposition joined the protests organized to oppose the government's move to make changes in federal boundaries in their areas. The government has proposed shifting five hill districts of Province 5 to Province 4 to make Province 5 plains-only province. Defying party lines, senior leaders from ruling Nepali. Congress (NC) Chandra Bhandari and deputy parliamentary party leader Top Bahadur Rayamajhi of CPN (Maoist Center) joined main opposition CPN-UML in the demonstrations.

डा.केसीकाे पक्षमा धरानमा र्याली : माग पुरा गरिदिन सरकार समक्ष माग

धरान, १८ मंसिर । चिकित्सा शिक्षामा भएको विकृतिको, विसगति तथा भ्रष्टाचारका विरुद्धमा अनसन बस्दै आउनु भएका प्रा.डा. गोविन्द केसीको माग पूरा हुनेमा अझै विश्वास नभएको विद्यार्थीहरुले आशंका गरेका छन् । विगतमा समेत भएका वार्ता र सहमति विरुद्ध सरकार अघि बढेको भन्दै यसपटक त्यस्तो नहोस् भन्दै आज धरानमा दबाब स्वरुप ¥यालीको आयोजना गरिएको छ ।

वरिष्ठताका आधारमा डिन बनाउनुपर्ने लगायत शैक्षिक विकृतिको विषयमा विगत २१ दिनदेखि अनसनरत प्रा.डा गोविन्द केसीको माग पूरा गराउन आज धरानमा दबाब स्वरुप ¥यालीको आयोजना गरिएको हो । बीपी कोइराला स्वास्थ्य विज्ञान प्रतिष्ठानमा अध्ययनरत विद्यार्थी र पूर्वाञ्चल इन्जिनियरिङ्ग क्याम्पस धरानका विद्यार्थीहरुले निकालेका सो ¥यालीको बीपी कोइराला स्वास्थ्य विज्ञान प्रतिष्ठानको हाताबाट शुरु भई भानुचौक, छाताचौक हुदै पुनः भानुचौकमा आएर कोणसभामा परिणत भएको थियो ।

कोणसभामा बोल्ने विद्यार्थीहरुले सरकारले केसीको उठाएका जायज माग पूरा गर्ने आश्वासन दिने अनि वार्ता गर्ने क्रम जारी रहेको भन्दै यस्तो नदोहो¥याउन सरकारसंग माग गर्दै अब भ्रष्टचारीको दिन सकिएको बीपी कोइराला स्वास्थ्य विज्ञान प्रतिष्ठानमा एवविविएस पाचौ बर्षमा अध्यनरत विद्यार्थी नविन भट्टले बताउनुभयो ।

प्रेमका नाममा पैसा हात पारेर प्रेमिकाको निर्मम हत्या

नुवाकोटः सात महिनादेखि हराइरहेकी त्रिशुली बजारकी एक महिलाको प्रेम गरेर पैसा हात परेपछि हत्या भएको रहस्य खुलेको छ । गत वर्षको भूकम्पमा श्रीमानको मृत्यु भएपछि विदुर नगरपालिका ११ साँघुकी ४५ बर्षीया प्रतिमा अमात्यसँग रसुवाको ठूलोगाउँ ६ बस्ने १९ वर्षीया रमेश तामाङ नजिकिएका थिए ।

प्रतिमा भन्दा २६ वर्ष कम उमेरका रमेशले प्रतिभालाई प्रेम गरेको बहाना बनाएर पैसा हात परेपछि हत्या गरेको ढिला गरी खुलासा भएको हो । २०७३ साल जेठ ३ गतेदेखि हराएकी आफ्नी दिदी प्रतिमाको खोजीका लागि बहिनी निरा श्रेष्ठले मंसिर १३ गते प्रहरीमा उजुरी दिएकी थिइन् ।

अनुसन्धानकै क्रममा प्रहरीले प्रतिमा कंकाल विदुरदेखि ४० किलोमिटर पश्चिममा रहेको फिकुरी गाविस ८ को गोगने जंगलमा फेला पारेपछि घटनाबारे थप तथ्य सार्वजनिक भएको हो ।

त्रिशूली बजारमा मजदुरी गर्दै आएका रमेशले महिलासँग धेरै रकम भएको जानकारी पाएपछि प्रेमको नाटक गरेर नजिकिएको र रकम हात पारेपछि हत्या गरेको जिल्ला प्रहरी प्रमुख प्रहरी उपरीक्षक देवबहादुर बोहराले जानकारी दिए ।

नौ महिनादेखि नजिकिएका प्रतिमा र रमेश गत वैशाखामा एक महिनासम्म विदुरमा लिभिङ टुगेदरको रुपमासँगै बसेको समेत प्रहरी अनुसन्धानबाट खुलेको छ ।

प्रहरी उपरीक्षक बोहराका अनुसार १० लाख रुपैयाँ प्रतिमासँग भएको थाहापाएपछि रमेशले उनलाई मार्ने षडयन्त्र गरेका थिए । उनले नागरिकता बनाएर विवाह दर्ता गर्न रसुवा लगेर गत जेठ २० गते फिकुरी गाविसको जंगलमा पैसाका लागि प्रतिमाको हत्या गरेको खुलेको छ ।

प्रतिमा र रमेशबीच गत वर्षको माघदेखि प्रेम सम्बन्ध रहेको रमेशको बयानबाट खुलासा भएको प्रहरी नायव उपरीक्षक ऋषिराम कर्णेलले बताए। गत वर्ष बैशाखको भूकम्पमा प्रतिमाका श्रीमान् र सासु बितेका थिए । उनका कुनै सन्तान छैनन् । उनका ससुरा र जेठाजुका परिवार भने छुट्टै बस्दै आएका छन् ।

रमेशले प्रतिमाको हत्या गरी फिकुरी गाविस ८ को गोगने जंगलमा लगेर गाडेको बयान दिएपछि प्रहरीले उक्त स्थानमा उत्खनन् गरेर बिहीबार कंकाल निकालेको हो । प्रतिमाको कंकाल सँगै प्रहरीले उनको हत्याका लागि प्रयोग भएका विभिन्न घरेलु हतियारसमेत बराबद गरेको छ । फिकुरी गाविस रसुवा र नुवाकोटको सीमा क्षेत्रमा पर्छ ।

रमेशले प्रेमिका प्रतिमाको साथमा रहेको १० लाख रुपैयाँ आफैँले लिएर खर्च गरेको बयानबाट खुलेको छ । १० लाख मध्ये दुई लाखको पल्सर मोटरसाइकल खरिद गरेको, चार लाख बैंकका जम्मा गरेको, तीन लाख रुपैयाँ साथीलाई सापटी दिएको, प्रतिमाको सुनको सिक्री र सुनको लकेट बिक्री गरेको बयान रमेशले दिएका छन् ।

प्रतिमाले त्रिशूली बसपार्कमा उनको नाममा रहेको जग्गा ६० लाख रुपैयाँमा बिक्री गरेको रहस्य खुले पनि उक्त रकमका विषयमा भने रमेशले कुनै बयान दिएका छैनन् । प्रहरीले यस विषयमा थप अनुसन्धान भइरहेको बताएको छ ।प्रतिमाले लगाएको घडीका आधारमा उनको सनाखत भएको घटनास्थल पुगेका जिल्ला प्रहरी कार्यालय नुवाकोटबाट प्रहरी निरीक्षक जीतेन्द्रकुमार बस्नेतले बताए ।

प्रतिमाको हत्यापछि रमेश विदुरको कोठा छोडेर काठमाडौं भागेको बयान दिएका छन् । काठमाडौँमा ट्याटु पसल सञ्चालन गर्दै आएका उनलाई प्रहरीले बिहीबार बिहान पक्राउ गरेको हो । प्रतिमाको शव भेटिए पनि उनको टाउको भने भेटिएको छैन् । प्रहरीले कंकाल पोष्टमार्टमका लागि नुवाकोटको जिल्ला अदालत त्रिशूलीमा पठाएको छ । प्रतिमाको डिएनए परीक्षणका लागि नमुना झिकेर काठमाडौँ पठाइएको छ ।

प्रतिमाको हत्यामा संलग्न रमेशलाई कर्तव्य ज्यान मुद्धामा नुवाकोट जिल्ला अदालतबाट पाँच दिनको म्याद थप गरि अनुसन्धान भइरहेको प्रहरीले जनाएको छ ।

नेपालका विमललाल श्रेष्ठ आठौं डब्लुबीपीएफ विश्व शारीरिक सुगठन तथा स्पोर्ट्स फिजिक च्याम्पियनसिपमा चौथो स्थान प्राप्त गर्न सफल

नेपालका विमललाल श्रेष्ठ आठौं डब्लुबीपीएफ विश्व शारीरिक सुगठन तथा स्पोर्ट्स फिजिक च्याम्पियनसिपमा चौथो स्थान प्राप्त गर्न सफल भएका छन् । उनले पुरुष फिट्नेस फिजिक १७० सेन्टीमिटरसम्म उचाईमा शनिबार चौथो स्थान प्राप्त गरेका हुन् ।

विमलको स्पर्धामा विभिन्न ६ राष्ट्रका ७ खेलाडी प्रिजजिङमा सहभागी थिए । प्रिजजिङमा भारतका मंगेश गाउडी र चाइना मकाउका इयोङ वेङकुनलाई पछि पारी विमल शीर्ष ५ पाँच स्थानमा रहँदै फाइनलमा पुग्न सफल भएका थिए । विमलको स्पर्धामा सुरुमा बाँडिएको खेलाडी सूचीमा ९ खेलाडीले भाग लिने उल्लेख थियो । पछि कार्यक्रम उद्घोषकले दुई खेलाडीको नाम निर्णायक मण्डललाई हटाउन सूचित गरेपछि सात खेलाडीको अन्तिम सूची तयार गरिएको थियो । फाइनल चरणमा विमल पाँचौं स्थानमा प्रदर्शन गर्न आएका थिए । पदकबाट थोरै चुकेका विमलले फाइनलमा दक्षिण कोरियाका किम मिन वुलाई मात्र पछि पार्न सके । थाइल्यान्डका दुई खेलाडि वान्चाई कान्जानापिमिन र रत्चावत कापन्या क्रमशः पहिलो र दोश्रो भए भने इरानका शरोक कजेमी तेश्रो भए ।