प्रदेश नम्वर १ मा बलात्कार घटना बढ्दै गएको अधिकारकर्मीहरुले बताएका छन् । पछिल्लो तथ्यांक अनुसार प्रदेश नम्वर १ मा बलात्कारका घटना बढ्दै गएको अधिकारकर्मीहरुले बताएका हुन् । तीन वर्षमा १ हजार २९ जना बलात्कारको शिकार भएको प्रदेश नम्वर १ को कार्यलयले जानकारी दिएको छ ।
१४ जिल्ला रहेको प्रदेश १ मा दैनिक १ भन्दा बढी महिला बलात्कारको शिकार हुने गरेको तथ्य बाहिरिएको छ । बलात्कृत हुनेमा ७ वर्षकी बालिकादेखि ६२ वर्षीया वृद्धासम्म छन् । बलात्कारको शिकार सबैभन्दा बढी किशोरी भएका छन् । प्रदेश १ अन्तर्गतका १४ जिल्लामा दैनिक १ भन्दा बढी बलात्कारको घटना हुने गरेको भन्दै चिन्ता व्यक्त गरिएको छ ।
मोरङ जिल्लामा मात्र यो वर्ष १ सय ३ वटा बलात्कारको घटना भएका छन् । ३ वर्षको अवधिमा सबैभन्दा बढी आर्थिक वर्ष ०७४÷०७५ मा ३ सय ८४ वटा बलात्कारको घटना भएका छन् आर्थिक बर्ष ०७२–०७३ मा कुल २ सय ९४ बलात्कारका घटना भएको प्रहरी तथ्यांकमा उल्लेख छ ।
