watch first and then search
watch first and then search
Saturday, November 12, 2016
बारामा ४० लाख मूल्य बराबरको अखाद्य खाने तेल नष्ट
जिल्ला अनुगमन समन्वय समिति बाराले बरामद गरेको करिब ४० लाख मूल्य बरावरको म्याद नाघेको १७ हजार लिटर खाने तेल नष्ट गरेको छ । उक्त परिमाणको खाने तेल बकैया खोला बगरको खाडलमा जलाएर नष्ट गरिएको हो ।
बारा निजगढ नगरपालिका ८ बकैयाटोलस्थित कृष्णप्रसाद दंगालको गोदामबाट गत कात्तिक ११ गते उक्त परिमाणको म्याद नाघेको रिफाईन सोयाविन तेल फेला पारेपछि तेल र खाली जर्कीन भएको गोदामका दुई वटा ठुला कोठालाई सोही दिन सिलबन्दी गरिएको थियो । भारतीय सदावहार ब्राण्डको म्याद नाघेको सो तेल बिक्री गर्ने मनशायले दर्जनौं जर्कीनमा भरी राखेको र दर्जनौं खाली जर्कीन समेत भेटिएपछि जिल्ला अनुगमन समिति बाराले दंगालको गोदाममा सिलवन्दी गरेको थियो । अखाद्य तेल विक्रेता ईशा सप्लार्यस निजगढका रमेश दंगाललाई सोही दिन अनुगमन टोलीले नियन्त्रणमा लिई अनुसन्धान शुरु गरेको थियो । तेल नष्ट गर्दै बाराका सहायक प्रमुख जिल्ला अधिकारी मुकेश केशरीले यस घटनाको अनुसन्धान नटुङ्गिएको र अन्य त्रुटी भेटिए कडा कारवाही गरिने बताउनु भयो । उहाँले सो तेलमा पेरो अक्साईड भ्यालु ४० देखिएकोले यो मानव स्वास्थ्यका लागि अति नैं हानीकारक रहेको परीक्षणबाट पुष्टि भएको जानकारी दिनुभयो । उहाँका अनुसार पेरो अक्साईड भ्यालु १० भन्दा बढी भएका मानव स्वास्थ्यका लागि हानीकारक हुन्छ ।
कालोबजारी र गुणस्तरहीन बस्तु बिक्री गर्ने मनशायले राखेको भन्दै ईशा सप्लार्यसका दंगाललाई बारा प्रशासनले १२ दिन सम्म नियन्त्रणमा लिई गत कात्तिक २३ गते १ लाख रुपैया धरौटी लिई तारेखमा छोडेको छ ।
Subscribe to:
Post Comments (Atom)
No comments:
Post a Comment