हेर्नुहोस्, यो हो अमेरिकाका नयाँ राष्ट्रपति ट्रम्पको सुविधासम्पन्न घर, १२६ कोठा भएको यो महलका विशेषता यस्तो

अमेरिकाका नव निर्वाचित रायट्रपति डोनाल्ड ट्रम्प अत्याधुनिक सुविधासम्पन्न जीवनशैलीका लागि परिचित छन् ।

राष्ट्रपति ट्रम्प रियल स्टेटका ठूला व्यवसायी हुन् । उनी अरबौं सम्पत्तिका मालिक हुन् र अहिले उनी सयभन्दा बढि कम्पनीका मालिक हुन् । फ्लोरिडा र क्यालिफोर्नियामा थुप्रै विलासी घरहरु भएका उनको सबैभन्दा विशेष घर मार–ए–लागो हो । १७ एकडमा फैलिएको उक्त घरमा १ सय २६ वटा कोठा छन् ।

सन् १९२७ मा बनेको यो महललाई ट्रम्पले सन् १९८५ मा खरिद गरेका थिए । उनले यो घरलाई व्यक्तिगत र व्यवसायिक रुपमा प्रयोग गर्ने गर्दछन् । ट्रम्पले यहि घरबाट तीनवटा स्टेट प्रिमरिज जितेपछि भाषण दिएका थिए । उनको यो घरमा नीजि क्लब र स्पा छन् जसको मूल्य करिब २० करोड डलर हो । ट्रम्पलाई यसमार्फत एक वर्षमा १.५ लाख डलरको फाइदा हुन्छ ।

फोर्ब्सका अनुसार ट्रम्पको सम्पत्ति करिब २४ हजार करोडको आसपास छ । उनी अमेरिकाका धनी व्यक्तिमध्ये १५६ औं स्थानमा पर्दछन् । उनीसँग सुनको लेपन लगाइएको मोटरसाइकल छ । यति मात्र होइन उनको सुनले लेपन गरिएको नीजि हेलिकोप्टर पनि छ ।

ट्रम्प आफू रक्सी नपिउने बताउँछन् तर उनीसँग भोड्काले भरिएको यस्ता बोतल छन् जुन शुद्ध २४ क्यारेट सुनले बनेको छ । ट्रम्पले आफ्नो एस–७६ हेलिकोप्टरका लागि ७० लाख डलरको सुन यसमा प्रयोग गरेका छन् ।

ट्रम्पको न्यूयोर्कको चर्चित म्यानहट्टनस्थित उनको पेन्टहाउसको मूल्य ६५० करोड रुपैयाँ भन्दा बढि छ । ट्रम्पको उक्त पेन्टहाउसमा हिराजडित मैनबत्ती छ भने सुनको पत्र लगाइएको पर्दा राखिएका छन् । उनको उक्त पेन्ट हाउस सजाउनका लागि थुप्रै ठाउँमा २४ क्यारेट सुनको प्रयोग गरिएको छ ।



यसका साथै उनको अर्को सुविधासम्पन्न घर ‘प्रिन्सेस याट’ मा फिल्म हलदेखि २ सय १० वटा टेलिफोनसम्म राखिएका छन् । तीनवटा लिफ्ट राखिएको उनको यो घर १ सय ५० देखि २ सय मिलियन डलरको हो ।

ट्रम्प एक सफल व्यापारी हुनुका साथै एक लेखक र टेलिभिजन व्यक्तित्व पनि हुन् । ट्रम्पको एक किताब ‘आर्ट अफ द डील’ ५१ हप्तासम्म सर्वाधिक बिक्रि हुने किताब बनेको थियो ।