चोरी तस्करी गरि लैजान लागेको अवस्थामा काठ र ट्रकलाई नियन्त्रणमा

बाराको वनजंगल क्षेत्रबाट चोरी तस्करी गरि लैजान लागेको अवस्थामा वन गस्ती टोलीले काठ र ट्रकलाई नियन्त्रणमा लिएको छ ।


लगभग ५० क्यूफिट करिब २ लाख मुल्य बरावरको ४ वटा सालको गोलाई लोड गरि राजमार्गमा निस्कने क्रममा वन कार्यालयद्धारा खनिएको टे«ञ्च अर्थात् खाडलमा सो ट्रकको चक्का फस्दा नियन्त्रणमा लिन वन गस्ती टोली सफल भएको हो । जिल्ला वन कार्यालय बारा मातहतको निजगढ सेक्टर वनको गस्ती जीप देख्ने वित्तिकै काठ चोर तस्कर समुह ट्रकको सा“चो छोडेर फरार भएका थिए । सो ट्रकबाट गोलाई, काठसंगै आरा, गोलाई लोड गर्न प्रयोग गरिने धरानी समेत फेला परेको छ । पुर्व—पश्चिम राजमार्ग अन्र्तगत निजगढ—धन्सार सडक नजिकै फेला परेको हो । शुत्रबार राति करिब २ बजे फेला परेका ट्रक, काठलाई जिल्ला वन कार्यालय सिमरा बारामा लगिएको छ । सो ट्रकबाट ना २ ख २४१ नम्बर लेखिएको नक्कली नम्बर प्लेट भेटिएको छ भने, सक्कली नम्वर प्लेट संलग्न काठ चोर तस्करले नैं उप्काई लिएर फरार भएका छन् ।