काठमाडौँ, ३० असोज । अस्ट्रेलिया महादेशको कोजियस्को तथा अफ्रिका महादेशको किलिमन्जारो सर्वोच्च शिखरमा उल्टो हिँडेर आरोहण गरी कीर्तिमान कायम गरेवापत पर्वतारोही सञ्जय पण्डितलाई आज यहाँ एक समारोहबीच सम्मान गरियो ।
गैरआवासी नेपाली सङ्घ ९एनआरएनए० का पूर्वअध्यक्ष जीबा लामिछानेले रु ५० हजार प्रदान गरी उहाँलाई सम्मान गर्नुभएको हो ।सो अबसरमा पूर्वअध्यक्ष लामिछानेले पर्वतारोहणका माध्यमबाट राष्ट्रिय तथा अन्तर्राष्ट्रिय क्षेत्रमा नेपाललाई चिनाउन उल्लेखनीय भूमिका निर्वाह गरे वापत पर्वतारोही पण्डितलाई सम्मान गरिएको बताउनुभयो ।
लामिछानेले उक्त सम्मान व्यक्तिगत रुपमा गर्नुभएको जनाएको छ ।
पण्डितले सगरमाथा, मनास्लु, युरोपको एल्ब्रुस, तन्जिÞनियाको मेरु लगायतका हिमशृङ्खलाको आरोहण गरिसक्नुभएको छ । यो वर्षको अन्त्यसम्ममा उहाँले अन्टारटिकाको उच्च शिखरको आरोहण गर्ने तयारीमा जुटेको बताउनुभयो ।
No comments:
Post a Comment