निर्वाचनसम्बन्धि तीन विद्येयकहरु समितिमा पठाउने व्यवस्थापिका संसदको निर्णय

व्यवस्थापिक संसदले निर्वाचन सम्बन्धि तीन विधेयकहरु समितिमा पठाउने निर्णय गरेको छ । व्यवस्थापिका–संसद्को आइतबार बसेको बैठकमा निर्वाचनसँग सम्बन्धित तीन विधेयक माथि छलफल भएसँगै समितिमा पठाउने निर्णय गरिएको हो ।
बैठकमा कार्यवाहक प्रधानमन्त्री विमलेन्द्र निधिले ती विधेयक दफाबार छलफलका लागि सम्बन्धित समितिमा पठाइयोस् भन्ने प्रस्ताव प्रस्तुत गर्नुभएको थियो ।

व्यवस्थापिका संसदमा निर्वाचनका तीन विधेयक समितिमा पठाइयोस् भन्ने प्रस्ताव सर्वसम्मतिले स्वीकृत भएसँगै अब ती विधेयक सम्बन्धित समितिले खुला छलफल गर्ने छ । स्वीकृत विधेयकमा ‘राजनीतिक दलसम्बन्धी विधेयक, २०७३’, ‘मतदाता नामावली विधेयक, २०७३’ र ‘निर्वाचन आयोग विधेयक, २०७३’ छन् । ती विधेयकको गम्भीरतालाई ध्यानमा राखी तदारुकताका साथ संसद्को नियमावली, २०७३ बमोजिम सम्बन्धित समितिमा खुला छलफल गर्न सभामुखले सभाको सहमतिसहितको निर्देशन समेत दिनुभएको थियो ।