ओछ्यानमा पिसाब गरेकाे भन्दै छोरीको यौनाङ्गमा खुर्सानी दलियो

कोलकत्ता, भारतको पश्चिम बंगालमा एउटी सौतेली आमाले ओछ्यानमा पिसाब फेर्ने बानी भएको भन्दै छोरीको यौनांगमा खुर्सानीको धुलो दलेको खबर छ । ५ सालकी नाबालिकाको यौनांगमा खुर्सानी दलेपछि सिकिस्त भएपछि अहिले तिनलाई अस्पतालमा भर्ना गरिएको छ भने सौतेली आमा र तिनको लोग्नेलाई गिरफ्तार गरिएको छ ।

पश्चिम बंगालको टिकागढमा भएको यो घटनाले हिंसाको क्रूरतालाई समेत पछि पारेको छ । यी बालिकालाई चार वर्ष अघि यो दम्पत्तिले छिमेकी परिवारबाट धर्मपुत्रका रुपमा लिएका थिए । सुतेको बेला ओछ्यानमा पिसाब फेर्ने बानी भएपछि यी अबोधमाथि यातना दिईन सुरु भएको थियो । गत बिहिबार पनि यसैगरी पिसाब फेरेपछि रिसाएकी आमाले उनको यौनंगमा खुर्सानी दलेकी थिइन । यसबाट बालिकाको अवस्था खराब भएपछि अस्पताल लगेपछि अस्पताल प्रशासनले प्रहरीलाई खबर गरेका थिए ।

प्रहरीका अनुसार, बालिकाको वास्तविक वुवाको मृत्यु भइसकेको र आमा चाहिँ तिनलाई छोडेर अन्तै गइसकेकी छिन् । त्यसपछि यो नयाँ दम्पत्तिले तिनको पालनपोषण गर्न शुरु गरेका थिए । तर पालनपोषणको नाममा यसरी यातना दिइने घटनाले सबै अचम्भित बनेका छन् । उपचारपछि बालिकालाई परामर्श केन्द्रमा पठाइने प्रहरीले जनाए ।