यमनबाट भिषण आक्रमणः साउदी सेनाको अखडा ध्वस्त

यमनी क्षेत्रबाट भएको आक्रमणमा परी साउदी अरवमा सेनाको अखडा ध्वस्त भएको छ ।साउदी सेनाले आफ्नो देशमा गरिएको सैनिक कारवाहीको जवाफमा यमनी क्षेत्रबाट भएको आक्रमणमा साउदी अरवको दक्षिणी क्षेत्रको सैनिक अखडा ध्वस्त भएको अन्तराष्ट्रिय सञ्चार माध्यमले जनाएका छन् ।

फार्स समाचार एजेन्सीका अनुसार साउदी अरवको दक्षिणी नजरान क्षेत्रमा रहेको हम्माद सैनिक छाउनीमा आक्रमण भएको हो । आक्रमणमा सैनिक अखडा ध्वस्त भएको बताइएको छ ।

यमनी सेनाका निशानेवाजहरुले जिजान भन्ने स्थानमा रहेको सैनिक अखडामा पनि थुप्रै सैनिकको ज्यान जाने गरी भिषण आक्रमण गरेका छन् । उता साउदी सेना र स्वयं सेवकहरुले पनि जवाफ हमलामा १० आक्रमणकारी निशानेवाजको मृत्यु भएको बताइएको छ ।

यमनको सेनाले पूर्वोत्तर सनआ र नेहम सहरमा साउदी एजेन्टले गरेको आक्रमण विफल तुल्याएका छन् । यही कारवाहीमा साउदी अरवका १० एजेन्ट मारिएका छन् ।

आक्रमण र प्रत्याक्रमणबीच भिषण युद्ध चर्किने संकेत देखिएपछि यमनको मामिला हेर्ने राष्ट्रस्घीय विशेष दुत इस्माइल बलद शेखले राजिनामा दिइसककेका यमनी राष्ट्रपति मन्सुर हादीसँग कुराकानीका लागि अदन पुगेका छन् ।