लोडसेडिङ तालिका बनाउनु भन्दा लोडसेडिङ कमीका लागि परीक्षण गर्न विद्युत प्राधिकरण व्यस्त

लामो समय देखि मुलुक अन्धकारमय छ । चाहे विकासको विषयमा होस् वा पुनर्निर्माणको विषयमा मुलुक सधैँ अन्धकारमा नै छ । मुलुकमा लोकतन्त्र आएपछि जनताले पाएको कुरा भनेको लोडसेडिङ्ग नै हो । उज्यालोले भकिझकाउ हुनुपर्ने मुलुक अन्धकारमा पिल्सिएका धेरै भइसक्यो । यहि अन्धकारमा बस्न बाध्य भएका जनतालाई अब भने केहि राहत हुने देखिएको छ । अर्थात् विद्युत प्राधिकरण लोडसेडिङ्ग निर्मुल पार्ने योजनाका लागि लागिपरेको छ जसको सुरुवात केहि दिनयता काठमाडौँ उपत्यकामा लोडसेडिङ्ग नगराई विद्युतको माग बुझन प्राधिकरणले परीक्षण नै सुरु गरेको छ ।


भनिन्छ पानीमा नेपाल पनि धनी देश हो । नेपालीले सधैँ भन्दै आएको यो भनाई जनताले तब मात्र राम्ररी बुझे कि धनीको पनि हालत यस्तो हुँदो रहेछ । अर्थात् पानीमा धनी रहेको देशले आफैले विद्युत उत्पादन गर्न सक्दैन । ८४००० मेगावाट विद्युत उत्पादन गर्न सक्ने मुलुकले विद्युत उत्पादन गर्न नसकेर ठाउँ ठाउँमा वत्तीको लाइन समय बनाएर जाने गरेको छ । हरेक चाड हरेक पर्वमा खुसीको सट्टा झयाप्प जाने बत्तीले आजित भएका जनताले यो वर्षको पर्वमा खुसीका साथ मनाउन सफल बने । तिहार जस्तो झिलिमिली हुने पर्व जहाँ विद्युतको खपत बढि हुने गर्दछ ।तर, प्राधिकरणले यस वर्षको पर्वमा विद्युत नकाटेर जनतामा जुन खुसी ल्यायो त्यसले जनता त खुसी छन् त्यति नै खुसी प्राधिकरण पनि छ । नेपाल विद्युत प्राधिकरणले यस वर्ष तिहारमा विद्युत नकाटेर परियोजनाको रुपमा विजुलीको मागको परिक्षण गर्दै लोडसेडिङ्ग मुक्त गराएको थियो । र यहि आधारमा टेकेर प्राधिकरणले उपत्यका बाट लोडसेडिङ्ग अन्तय गर्ने घोषणा समेत ग¥यो जसले आम समुदायमा खुसीको फोहोरा छुटायो ।
उपलब्ध बिजुलीको सही व्यवस्थापन गरी पहिलो चरणमा काठमाडौं उपत्यका र त्यसपछि चरणवद्धरुपमा मोफसलमा लोडसेडिङ अन्त्य गर्दै जाने प्राधिकरणले योजना बनाएको छ । नेपालमा पिक आवरमा करिब १५ सय मेगावाट विजुलीको माग छ । तर, सुख्खायाममा जलविद्युत आयोजनाहरुको उत्पादन ५० प्रतिशतले घट्ने भएकाले जम्मा आपूर्ति ४ सय मेगावाटको हाराहारीमा मात्रै छ । आयातसहित गर्दा सुख्खायाममा ६र७ सय मेगावाट आपूर्ति हुन्छ । वर्षातको समयमा पनि कूल ९ सयदेखि हजार मेगावाट मात्रै आपूर्ति छ । तर, पनि प्राधिकरणले व्यवस्थापन गर्दै लोडसेडिङ मुक्त गर्ने अठोट भने साँचै सराहनिय छ । सधैँ लोडसेडिङ कति गर्ने भनेर तालिका बनाउनु भन्दा कसरी कम गर्ने भन्ने तर्फ गएको प्राधिकरणको सोचलाई सबैले सकरात्मक लिएका छन् ।