watch first and then search
watch first and then search
Friday, November 11, 2016
अब जनतानै अघि सर्नुपर्ने बेला आएको छ: बिजुक्छे
भक्तपुर, २६ कात्तिक । नेपाल मजदुर किसान पार्टीका अध्यक्ष नारायणमान बिजुक्छेले भ्रष्टाचार उन्मूलन नगरेसम्म देश विकासमा अगाडि नबढ्ने बताउनुभएको छ । वागीश्वरी माविको ५८ औँ र वागीश्वरी कलेजको नवौँ वार्षिक उत्सव कार्यक्रममा उहाँले भ्रष्टाचारलाई जरैदेखि उन्मूलन गर्न अब जनता नै सक्रिय हुनुपर्ने बताउनुभयो ।भक्तपुर नगरपालिकाले गरिब जनताको छोराछोरीलाई सस्तोमा डाक्टर पढाउने उद्देश्यले ख्वप विश्वविद्यालय सञ्चालन गर्न अनुमति मागेको बर्साैँ बित्दा पनि अझै सम्बन्धन नपाएको गुनासो गर्दै उहाँले सबै भौतिक पूर्वाधार पुगे पनि अल्झिनाले शङ्का उत्पन्न गराएको टिप्पणी गर्नुभयो ।
कार्यक्रममा वागीश्वरी कलेज व्यवस्थापन समितिका अध्यक्ष एवम् पूर्व सांसद सुनिल प्रजापतिले देशको कुल बजेटको २४ प्रतिशत शिक्षा क्षेत्रमा लगानी गर्न सके शिक्षा क्षेत्रलाई पूर्ण रुपमा निःशुल्क बनाउन सकिने बताउनुभयो । नेमकिपाका केन्द्रीय सदस्य एवम् सांसद अनुराधा थापा मगरले शिक्षा नियमावलीमा निजी विद्यालय र शैक्षिक माफियाले चलखेल गरेको टिप्प्णी गर्नुभयो ।
कार्यक्रममा जिल्ला शिक्षा अधिकारी अर्जुनबहादुर रायमाझीले जिशिका भक्तपुरबाट प्राप्त गरिब तथा जेहेन्दार र दलित छात्रवृत्ति प्रदान गर्दै २२ बुँदे कार्यक्रम लागू गर्न विद्यालयहरुसँग आग्रह गर्नुभयो । कार्यक्रममा कलेज प्राचार्य धनकुमार श्रेष्ठ र विद्यालयका प्रअ कृष्णप्रसाद धन्छाले प्रगति प्रतिवेदन प्रस्तुत गर्नुभएको थियो ।
त्यस्तै विद्यार्थीलाई सिद्धिबहादुर स्मृति अक्षय कोष छात्रवृत्ति, नारायणी छात्रवृत्ति र शिक्षक कर्मचारी छात्रवृत्ति कोषबाट छात्रवृत्ति वितरण गरिएको विद्यालय व्यवस्थापन समितिका अध्यक्ष रवीन्द्र ज्याख्वले जानकारी दिनुभयो । त्यसैगरी प्रवेशिका, दश जोड दुई र स्नातक तहका स्वर्णपदक विजेतालाई पदक तथा पुरस्कार वितरण गरिनाका साथै कक्षा ११ र १२ का विद्यार्थीलाई कक्षागत पुरस्कार प्रदान गरिएको थियो ।
सो अवसरमा विद्यालयमा २५ वर्षभन्दा बढी सेवा गरेबापत प्रअ कृष्णप्रसाद धन्छा, सहायक प्रअ ज्ञानसागर प्रजापति, शिक्षक दामोदर सुवाल र विश्वराम प्रजापतिलाई दीर्घसेवा पदकबाट सम्मान गरिनाका साथै शिक्षक र कर्मचारीबीच भएको आन्तरिक ब्याडमिन्टन प्रतियोगिताका विजयी विद्यार्थीलाई पदक तथा पुरस्कार वितरण गरिएको थियो ।
Subscribe to:
Post Comments (Atom)
No comments:
Post a Comment