कारोबार दैनिकका पूर्व सम्पादक सञ्जय न्यौपानेको ४४ वर्षको उमेरमा निधन

कारोबार दैनिकका पूर्व सम्पादक सञ्जय न्यौपानेको उपचारको क्रममा निधन भएको छ ।

उनको आज ललितपुरमा निधन भएको पत्रकार नकुल अर्यालले जानकारी दिए । दुई दशकदेखि आर्थिक पत्रकारितामा क्रियाशील उनी २०७० असारदेखि २०७२ चैतसम्म कारोवार दैनिकमा सम्पादक थिए ।

४४ वर्षीय न्यौपानेका श्रीमती, एक छोरा र एक छोरी छन् । उनी गत वर्षदेखि एनाप्लास्टिक एस्ट्रोसिटोमा नामले चिनिने स्नायु प्रणाली सम्बन्धी रोगबाट पीडित थिए ।






.