इराकको मोसुल शहर नजिकको सल्फर ग्याँस प्लान्टमा आइएसद्धारा आगलागी

इराकमा बिद्रोही संगठन इस्लामिक स्टेटसँगको कारवाही चलिरहेका बेला सल्फर प्लान्टबाट निस्किएको विषालु ग्यासबाट सयौं मानिस प्रभावित भएका छन् ।


सल्फर प्लान्टबाट निस्किएको विषालु ग्यासका कारण प्रभावित भएकाको उपचार भइरहेको अन्तराष्ट्रिय सञ्चार माध्यमले जनाएको छ । आइएसका लडाकुले भाग्नु भन्दा पहिले मोसुल नजिक रहेको सल्फर ग्यासको प्लान्टमा आगो लगाएको अमेरिकी सेनाले जनाएको छ । विषालु ग्यासको धुवाँका कारण त्यस वरपरका झण्डै एक हजार जनालाई स्वासप्रश्वासमा समस्या भएको समाचार संस्था रोयटर्सले जनाएको छ । अहिलेसम्म विषालु ग्यासका कारण दुईजनाको ज्यान गएको इराकी सेनाले जनाएको छ । इराकी सेनाले मोसुल शहरमा केन्द्रित भएर आइएसविरुद्ध कारबाही अभियान चलाइरहेको छ । मोसुल आइएसको गढ क्षेत्र हो ।