सञ्चार तथा सूचना प्रविधि मन्त्रालयका प्रवक्ता रामचन्द्र ढकालले मोबाइल र इन्टरनेट सेवाको मूल्य नबढ्ने बताए। टेलिकम र इन्टरनेटमा बजेटमार्फत घोषणा गरेकै कर लाग्ने भएतापनि सेवाग्रहीको लागि भने मूल्य नबढ्ने उनले जानकारी दिए।
‘हामीले टेलिकम र इन्टरनेट प्रदायकहरुसँग मूल्य समायोजना गरेको छौं,’ उनले भने ‘सहमतीअनुसार टेलिकम र इन्टरनेट सेवमा मूल्य नबढाउने सहमती भएको हो ।’
उनकाअनुसार असारमा जति टेलिकम र इन्टरनेट सेवाको मूल्य छ अब त्यतिनै पर्नेछ। ‘सेवा शुल्कमा कुनै पनि फेरबदल हुनेछैन,’उनले थपे। सकारले इन्टरनेटको मूल्य समायोजनबारे अध्ययन गर्न बनाएको कार्यदल बनाइ मूल्य समायोजन गरेको मन्त्रालयको भनाइ छ।
सरकारले बजेटमार्फत इन्टरनेट सेवामा १३ प्रतिशत र टेलिकममा ११ प्रतिशतबाट कर बढाएर १३ प्रतिशत पुर्याएको थियो।
त्यसपछि इन्टरनेट र दुरसञ्चारप्रदायक कम्पनीहरुले शुल्क बढाएको थियो। बढाएको शुल्कको चौतर्फी विरोध भएपछि सरकार सेवाग्रहीले तिर्ने शुल्क घटाउन बाध्य भएको हो।
सेवाको शुल्क बजेटअघिकै मूल्यमा फर्केको मन्त्रालयले जानकारी दिएको छ।
No comments:
Post a Comment