बजारमा उमाको ‘भाइरल’ तीज गीत

काठमाडौँ । गायिका उमा श्रेष्ठले ‘भाइरल’ तीज गीत सार्वजनिक गरेकी छन् । सो गीतमा उनलाई स्वरमा साथ दिएका छन्, डीबी लोप्चनले पनि ।

दीपक शर्माको शब्द तथा संगीत रहेको भाइरलमा नरेन्द्र वियोगीको संगीत संयोजन रहेको छ । विक्रम चौहानले निर्देशन गरेको सो गीतको म्युजिक भिडियोमा मोडल अञ्जली अधिकारी तथा सन्जिव ठकुरीले अभिनय गरेका छन् ।

तीज आउन दुई महिना पनि बाँकी नरहेका बेला तीज गीतहरु सार्वजनिक गर्नेक्रम बढेको छ । नयाँ तथा पुराना गायक गायिकाहरुले तीज सम्बन्धी गीत ल्याएका हुन् ।