कङ्गोमा बाढीका कारण कम्तिमा पचासको मृत्यु (कृपया १ शेयर गरी सहयोगि हाथ सम्म पुर्याउन मद्दत गरौ)

कङ्गो, १५ पुस । प्रजातान्त्रिक गणतन्त्र कङ्गोमा भीषण वर्षापछि नदीमा आएको बाढीका कारण कम्तिमा ५० जनाको मृत्यु भएको र हजारौँ विस्थापित भएको कङ्गोको दक्षिणमा अवस्थित एक प्रान्तका गभर्नर ज्याक्स मादुले बिहीबार जानकारी गराउनुभयो । मसुलधारे वर्षापछि कालामु नदी उर्लेर आएपछि दक्षिणी सहर बोमामा नदीको पानी पसेको र शहरलाई डेवानमा पारेको बताइएको छ ।

बाढीका कारण एटलान्टिक सागरको किनारस्थित कङ्गोको एक मात्र बन्दरगाह क्षेत्रमा करिब एक मिटर माटो जम्मा भएको बताइएको छ । सोमबारदेखि मङ्गलबार रातसम्म परेको वर्षा कारण बोमा सहरमा मात्रै ५० जनाको मृत्यु भएको प्रान्तीय गभर्नर मादुले बताउनुभयो । बाढीका कारण अन्य क्षेत्रमा पनि क्षति भएका अपुस्ट खबरहरु प्राप्तभएको उहाँको भनाई थियो ।

मुसलधारे वर्षापछि नदीमा नियमित सतहभन्दा करिब दुई मिटर पानी उर्लेर आएको र बोमा सहरलाई डुबानमा पार्दै कङ्गो नदीमा प्रवेश गरेको मादुले बताउनुभयो । कङ्गोको राजधानी किन्सासा सहरबाट करिब ४७० किलोमिटर टाढा अवस्थित बोमा सहरमा करिब डेढ लाखदेखि दुई लाख मानिस बसोबास गर्दछन् । सहरका गहिरो क्षेत्रमा रहेका अधिकांश घरहरुमा बाढीले ल्याएको माटो थुप्रिँदा बाढीबाट बाँच्न सफल हजारौँ नागरिक पनि विस्थापित जीवन बिताउन बाध्य भएका बताइएको छ ।