काठमाडौं, २७ कार्तिक, जिल्ला प्रशासन कार्यालय काठमाडौंले विदेशी युवासँग नेपाली युवतीले गर्ने दर्ता विवाहमा कडाइ गरेको छ ।
नेपाली महिलालाई विदेशी नागरिकले विवाह गरी उनीहरुको देशमा लगेर यौन शोषण गर्ने, हिंसालगायत चरम यातना दिनेजस्ता घटना बढेपछि प्रशासनले कडाइ गर्न थालेको हो ।
सहायक प्रमुख जिल्ला अधिकारी एवं प्रवक्ता गणेशकुमार भट्टराईले विवाह गरेर विदेश गएका युवतीले गम्भीर खालका समस्या भोग्नुपरेको गुनासो बढेपछि दर्ता विवाहमा कडाइ गरिएको जानकारी दिए ।
अहिले नेपाली युवतीलाई चीन र दक्षिणा कोरियाका नागरिकसँग विवाह गर्न पूर्ण रुपमा रोकिएको छ ।
यसअघि भने जिल्ला प्रशासन कार्यालयमा कोर्ट र पोस्ट म्यासरज गर्न आउनेमध्ये सबैभन्दा बढी कोरियाली केटा र नेपाली केटीकै बढी हुने गरेको थियो ।
No comments:
Post a Comment