ट्रम्पका भन्दा २० लाख बढी मत ल्याएर पनि पराजित भएकी रहिछन् हिलारी, यसरी खुल्यो रहस्य

केही दिन अगाडी मात्रै सम्पन्न अमेरिकी राष्ट्रपतीय निर्वाचनसँग सम्बन्धित नयाँ र रोचक तथ्यहरु बाहिर आउने क्रम जारी छ ।

उक्त चुनावमा डोनाल्ड ट्रम्पसँग पराजित हुन पुगेकी डेमोक्र्याटिक उम्मेदवार हिलारी क्लिन्टनले ट्रम्पले भन्दा २ मिलियन अर्थात २० लाख भन्दा बढी भोट बढी प्राप्त गरेको युस टुडेले उल्लेख गरेको छ ।

अन्तराष्ट्रिय मिडियाका अनुसार हिलारी पपुलर मतमा ट्रम्प भन्दा २० लाख मतले अघि रहेकी छिन् । उता ट्रम्पले भने इलेक्टोरल कलेजको मत बढी पाएका कारण जित निकाल्न सफल भएका हुन् ।

मत गणनाको परिणाम अनुसार क्लिन्टनले कुल मतको ४७.७० प्रतिशत मत प्राप्त गरेकी थिइन् । राष्ट्रपतिमा निर्वाचित ट्रम्पले भने ४७. ५० प्रतिशत मात्र मत प्राप्त गरेर पनि चुनाव जिते ।