सोलार सर्ट हुँदा दुइ घर आगलागी

सोलारको विद्युत् सर्ट भएर आगलागी हुँदा ओखलढुंगाको माधवपुरमा दुई घर जलेका छन् । छानामा राखिएको सोलारको तार सर्ट भएर आगलागी हुँदा माधवपुर ७ का भीमबहादुर मगरका दुई घर जलेर नष्ट भएका हुन् । आज दिउँसो भएको आगालागीबाट सात लाख बराबरको क्षति भएको प्रहरीले जनाएको छ ।

मानिस नभएको समयमा आगो लागेकाले मानवीय क्षति नभए पनि दुई घरमा रहेका धनमाल र लत्ताकपडा पूर्ण रुपमा जलेर नष्ट भएको स्थानीय भुवन श्रेष्ठले बताउनुभयो । घर जलेपछि मगर परिवार छिमेकीकोमा शरण लिएर बसेका छन् ।