मोसुल कारबाही :एक हजार नागरिक सुरक्षित स्थलमा सारियो

काजर -इराक, १० कात्तिक । इराकी विशेष सुरक्षादलले मोसुलको बाहिरी भागका गाउँबाट आइएस विरोधी कारवाहीमा प्रभावित हुन सक्ने भन्दै करिव एक हजार नागरिकलाई सुरक्षित स्थलतर्फ जान निर्देशन दिएको छ ।



संयुक्त राष्ट्रसङ्घले जनाएअनुसार उक्त क्षेत्रका नागरिकमाथि विद्रोहीले अत्याचार गरेको भनी खवर आइरहेको बेला त्यहाँका नागरिकलाई सुरक्षित स्थलमा लएिको हो ।

विशेष कारवाही दस्ताका मेजर जनरल हैदर फादहिलका अनुसार मोसुलको अघिल्लो भागमा पर्ने टबजावा तथा वरपरका गाउँबाट स्थानीयलाई सुरक्षित स्थलमा सारिएको र अव छिट्टै उक्त क्षेत्रमा सैनिकलाई पु¥याइने छ ।

यहाँबाट हटाइएका नागरिकलाई मोसुलबाट केही ताढाको सरकारी नियन्त्रणमा रहेको काजर क्षेत्रमा शिविरमा राखिने छ ।

अमेरिकी नेतृत्वको पछिल्ला केही दिनमा इराकी गठबन्धन सेनाले आफ्ना करिव २५ हजार सेनाको प्रयोग गरी विद्रोहीलाई चारैदिशाबाट घेरा हाल्न सुरु गरेको छ ।

मोसुल शहर र वरपरका इलाका कब्जा गर्न केही हप्ता लागेपनि यसलाई आइएसको पञ्चाबाट छुटाएर नै छाडिने सेनाले बताएको छ ।