रकम अभावको कारण उपचारमा समस्या

रकम अभावको कारण उपचारमा समस्या सेतो रगतको कमीका कारण विगत २ वर्ष देखि उपाचाररत तनहुँ व्यास नगरपालिका वाडा नं ४ बोरिथुम्का की १६ वर्षिया आशा अधिकारीलाई आर्थिक अभावका कारण उपचारमा समस्या भएको छ । उनको सेतो रगत (रक्त अल्पता ) नभएको हुँदा रगत उत्पादन कम हुने भएकोले तत्काल निको पनि नहुने र नियमित उपचार गराउनु पर्ने अवस्था छ ।

उपाचारको क्रममा आफ्नो सबै सम्पति सकिएको र अव उपचार गराउन आर्थिक अवस्था कमजोर भएकोले असमर्थ भएको हुदा उनको वावु राजेन्द्र अधिकारी र आमा भगवती अधिकारीले अर्थिक सहयोगको अपिल गरेका छन् । यस अधि आशाको उपचारमा ९ लाख रुपयाँ खर्च भइसकेको आशाका काका रेशम अधिकारीले बताएका छन् । उनलाई यस अधि पोखरा, भरतपुर र काठमाडौँका अस्पतालमा उपाचार गराईएका थियो तर थप उपचारका लागि भारत लौजान डाँक्टरले सुझाव दिएका छन् । आशाको उपाचारको लागि थप १२ लाख लाग्ने डाक्टरले अनुमान गरेका छन् । आशालाई सहयोग गर्न चाहानेले दमौली स्थित कैलाश विकास बैँकमा आशाको नाममा रहेको खाता ०२७००९००१०७४५४०००००१ मा रकम जम्मा गर्न सकिने परिवारले जनाएको छ ।